Cydweithio gydag artist rhyngwladol i helpu i greu gwaith celf mawr rhyngweithiol.
Mae’r swydd yma yn Gaerdydd:
Cyfle
Mewn partneriaeth ag RSPB Cymru a Chyngor Dinas Caerdydd mae Migrations yn chwilio am artist i gydweithio ochr yn ochr ag artist rhyngwladol i osod gwaith celf awyr agored ym Mharc Bute, Caerdydd, dros gyfnod o ddeuddeg diwrnod ym mis Gorffennaf 2015.
Cynlluniwyd y gwaith hwn fel cyfle datblygu proffesiynol gyda thâl ar gyfer artist sy’n gweithio yng Nghymru ac sydd â diddordeb mewn gweithiau celf rhyngweithiol ar raddfa fawr yn yr awyr agored.
Mae Migrations yn gweithio mewn partneriaeth ag RSPB Cymru a Chyngor Dinas Caerdydd i greu Tape, gosodiad rhyngweithiol gan gasgliad o artistiaid o Groatia, Numen / For Use.
Bydd y gwaith celf enfawr yn cael ei greu’n llwyr o dâp gludiog a fydd yn ymestyn rhwng bonion coed ym Mharc Bute, Caerdydd. Fel gwe pryf copyn anferth neu gocŵn amhosibl, mae Tape yn rhwydwaith o dwneli maint pobl sy’n crogi yn yr awyr.
Bydd yr adeiladu’n digwydd dros ddeuddeg diwrnod un ar ôl y llall ac yn cael ei arwain gan yr artist rhyngwladol sy’n gyfrifol am gynllun Tape.
Eich rôl chi fydd gweithio’n ymarferol i greu Tape ochr yn ochr â Sven Jonke, artist Numen, a thîm o wirfoddolwyr o broject ‘Rhoi Cartref i Fyd Natur yng Nghaerdydd’ RSPB Cymru. Byddwch yn sicrhau bod y strwythur yn cael ei adeiladu’n ôl y cynllun ac o fewn yr amserlen a benodir.
Gobeithir y bydd eich cydweithrediad agos gyda’r artist a’i waith yn cynorthwyo gyda datblygiad eich ymarfer artistaidd eich hun.
Bydd y gwaith celf ar gael fel profiad am ddim i’r cyhoedd drwy gydol mis Awst a gobeithiwn y bydd rhai miloedd yn ei fwynhau.
Manylion Unigolyn
Mae’r unigolyn yr ydym yn chwilio amdano yn artist sy’n creu gwaith celf ac a fydd:
- â diddordeb mewn celf gyfoes
- yn berchen ar fedrau gweithio mewn tîm a rhyngbersonol da
- gydag agwedd bositif a brwdfrydig
- â’r gallu i weithio’n annibynnol, ac ateb amserlen yn fanwl gywir
- yn gyfforddus yn gweithio yn yr awyr agored ac oddi ar y ddaear ar uchder isel
- yn gyfforddus gyda gwaith hynod o ymarferol y mae angen nerth a dyfalbarhad ar ei gyfera
- yn gyfrifol ac yn atebol ac yn cymryd unrhyw risg iddynt hwy eu hunain ac i eraill o ddifrif
- yn gyfathrebwr hyderus, yn fodlon ymwneud â’r cyhoedd
- yn rhugl yn y Saesneg, y Gymraeg ac/neu unrhyw ieithoedd Ewropeaidd eraill
- â diddordeb ym mywyd gwyllt Cymru a’r mannau lle maent yn byw
Disgrifiad Swydd
- helpu i greu strwythur mawr crog rhwng coed gyda thâp gludiog
- mynychu sesiynau hyfforddi a gyflwynir gan yr artist sy’n gyfrifol am gynllunio ac adeiladu’r strwythur
- cydweithio gyda’r artist a’r tîm gosod i sicrhau bod y strwythur yn cael ei adeiladu yn ôl y cynllun ac o fewn yr amserlen benodol
- cymwneud yn hyderus gyda’r cyhoedd o amgylch safle’r gosodiad ee ateb cwestiynau ac ymholiadau
- gweithio ar ddyddiau’r wythnos ac ar benwythnosau
- gweithio yn yr awyr agored mewn parc
Details
- Cynigir y gwaith fel cytundeb llaw rydd penodol o ddeuddeg diwrnod.
- Ffi hollgynhwysol o £1000.
- 10yb – 6yh bob dydd (gydag egwyl) 20-31 Gorffennaf 2015
- Lleolir y gwaith ym Mharc Bute, Caerdydd.
- Darperir cinio.
Am ragor o wybodaeth: Cysylltwch â: Contact Sioned Davies, Migrations
Sut i Wneud CaisI wneud cais am y swydd hon anfonwch CV a llythyr gyda gwybodaeth at Sioned Davies yn Migrations erbyn hanner nos ddydd Sadwrn 11 Gorffennaf 2015.
Amserlen
Dyddiad Cau ar gyfer Ceisiadau: Dydd Sadwrn 11 Gorffennaf 2015, hanner nos.
Hysbysiad o’r Cyfweliadau: Dydd Llun 13 Gorffennaf
Cyfweliadau (Skype): Dydd Mawrth 14 Gorffennaf
Cyswllt
Migrations Ciafaic,
25 Stryd Watling,
Llanrwst, LL26 0LS
Wales
+44 (0)1492 642291
post@migrations.uk
www.migrations.uk
Byddwn yn darparu:
- cyflwyniad i’ch rôl, y cyfrifoldebau a’r gwaith celf rhyngweithiol
- briffio manwl ac asesiad risg ar gyfer y gosodiad
- yr holl offer angenrheidiol ar gyfer y gosodiadn